Attilio Bivetti preschenta en ses segund tom novas istorgias dal cumissari Nuot Nes e ses assistent Marco Mangiù. Ed era questa giada reveleschan ils raquints situaziuns dramaticas amez las «prüvedas» vischnancas da l’Engiadina Ota. Ils tschintg cas ch’ils dus criminalists han da resolver dattan occasiun a lecturas e lecturs da penetrar en profunditads nunenconuschentas dals ambients renumads per lur surfatscha da cartulina.

Sch’i vala en la litteratura da la Svizra tudestga «in Bern mordet sich’s am trefflichsten» ed en Lombardia che «I Milanesi ammazzano al sabato», para per lecturas e lecturs rumantschs l’Engiadina Ota dad esser la regiun la pli privlusa, commentescha la romanista Annetta Ganzoni en l’epilog.

Il cudesch custa CHF 30.00 e po vegnir retratg en las librarias u tar www.chasaeditura.ch

Nus giavischain buna lectura e bun divertiment.