L’Atlas da l’istorgia dal Grischun, 1524 – 2024, cumpara a chaschun dal giubileum da 500 onns dapi la fundaziun da la Republica da las Trais Lias. L’Institut grischun per la perscrutaziun da la cultura (icg) prenda quest anniversari sco chaschun da rimnar e visualisar da nov ils aspects centrals da l’istorgia grischuna. Numerus:as expertas ed experts han examinà tschuncanta temas dals champs populaziun, ambient, economia, politica e cultura e preschentan quels a maun da chartas, curts texts, fotografias e graficas. In’evaluaziun cumpacta e visualmain interessanta da l’istorgia grischuna che dat in simpel access a l’istorgia da quest chantun uschè varia.
Quest titel cumpara a medem mument era per tudestg (Hier und Jetzt) ed en talian (Armando Dadò Editore).