CHASA EDITURA RUMANTSCHA
Anita Capaul (manadra da fatschenta, belletristica)
Karin Kohler-Pattis (ediziuns d’uffants e giuvenils)
Via da la Plessur 47
Chascha postala
7001 Cuira
+41 (0)81 250 40 46
info@chasaeditura.ch
anita.capaul@chasaeditura.ch
karin.kohler@chasaeditura.ch
La Chasa Editura Rumantscha
La Chasa Editura Rumantscha (CER) porscha servetschs d’ediziun professiunals; sia finamira è da render pli visibla la pitschna, ma viscla scena da litteratura rumantscha.
Il program d’ediziun furman ovras belletristicas e cudeschs per uffants e giuvenils. Tut tenor ils manuscrits inoltrads vegnan edidas publicaziuns en ils idioms da scrittira ed en rumantsch grischun, sco era en versiuns plurilingas.
Questa chasa editura exista dapi l’entschatta 2010; ella è vegnida fundada cun il sustegn da la Pro Helvetia, dal Chantun Grischun e da la Lia Rumantscha.
La CER è ina Societad cun responsabladad limitada; societarias èn la Lia Rumantscha e l’Uniun per la Litteratura Rumantscha (ULR), actualmain represchentadas dad Urezza Famos (presidenta) e Manuela Balett (per la ULR).
Il program d’ediziuns
Noss program d’ediziuns vegn definì da duas cumissiuns dal fatg.
Cumissiun per ediziuns per creschids:
– Valeria Badilatti, romanista, magistra gimnasiala
– Corsin Caglia, romanist, magister gimnasial
– Uorschla Natalia Caprez Brülhart, romanista
– Toni Vinzens, romanist, magister gimnasial
Cumissiun per cudeschs d’uffants e giuvenils:
– Donatella Bonifazi, redactura e moderatura
– Petronella Cavegn, bibliotecara
– Annatina Guidon Galliard, magistra primara
Per auturas futuras ed auturs futurs
Avais Vus in text che spetga en Voss truclet? U in’idea per ina publicaziun?
La Chasa Editura Rumantscha sa legra d’udir da Vus.
Per pudair tractar Vossa dumonda correctamain avain nus basegn da:
– Voss contact ed ina curta biografia
– ina descripziun curta dal project (intenziun, resumaziun dal cuntegn)
– text cumplet, stampà sin palpiri A4 + en furma digitala
Texts per persunas creschidas inoltrar p.pl. a: anita.capaul@chasaeditura.ch
Texts per uffants/giuvenils inoltrar p.pl. a: karin.kohler@chasaeditura.ch
