Gion ha fatg carriera sco tambur ed ha schizunt maridà la figlia dal retg da la Frantscha. Ma quai na crai ses bab betg, cura ch’el turna a chasa tut sdratschà.
Ed uschia sto Gion ir a pertgirar las chauras.
Questa veglia paraula surmirana ord la Crestomazia rumantscha è vegnida illustrada da Cilgia Zangger e raquintada da nov dad Ursina Guldemond-Netzer ed Annalisa Schaniel.
Paraula illustrada, cun scrittira gronda, a partir da 4 onns.