Amur è be in pled, fin ch’insatgi vegn e scriva poesia …
En l’antologia “Amur. Poesias 1648-2025” preschentan Annetta Ganzoni e Bettina Vital l’amur e sias fassettas multifaras cun mintgamai ina poesia da 65 autur:as rumantsch:as. I s’avra l’entir ventagl dals sentiments ambivalents che l’amur è buna da svegliar: dal settavel tschiel a la dischillusiun inconsolabla, dad ironia zaclina a tristezia profunda, da brama casta ad erotica electrisanta.
En questa rimnada variada dialogheschan dunnas ed umens da differents temps e da differentas perspectivas. Ils texts originals rumantschs vegnan accumpagnads da translaziuns en ina u pliras linguas (tudestg, talian e/u franzos). Dasperas datti trais essais da Ruth Gantert, Annetta Ganzoni e Bettina Vital davart il tema “Amur” resp. davart aspects da quest’ediziun. Accumpagnadas vegnan las poesias dad illustraziuns da Lea Gredig.
L’ediziun envida a leger, sfegliar, scruvrir e sfundrar cumplainamain en quest tema universal.
rapports en las medias