Oleksandra Gorshevikova (1998) è illustratura ed animatura da 2D. Cun ses maletgs vul ella raquintar istorgias, explorar novs lieus e crear agens munds. Caracteristic per sias lavurs èn colurs vivas ed ina natira magnifica.

Suenter ses studi d’animaziun a la Scola auta da Lucerna (HSLU) ha ella collavurà en divers projects da films animads e lavura oz tar Studio Toc a Turitg sco illustratura ed animatura da 2D.

«Il chastè magic – Das Zauberschloss» è ses emprim cudesch illustrà (ed. Chasa Editura Rumantscha 2026).