Martin Raschèr (1920) è creschì si a Zuoz. Suenter la scolaziun al seminar da magisters a Cuira ha el absolvì la scola da sutuffizier ed ha prestà bunamain 3 onns servetsch militar.
A partir dal 1943 è el stà magister a Trimmis ed a l‘internat da Freienstein/ZH. Là ha el fatg dasperas il studi da pedagogia curativa. Alura è el stà 19 onns magister ad Arosa. Silsuenter ha Raschèr surpiglià la direcziun da l‘internat a Freienstein, nua ch‘el è restà fin tar sia pensiun. Suenter sia pensiun fin tar sia mort ha Martin Raschèr vivì a Grub/AR.