Theo Candinas, naschì 1929 a Surrein, è stà suenter ses studi a las universitads da Friburg, Paris e Perugia blers onns magister a Cuira. Dasperas ha el lavurà sco redactur, translatur, schurnalist, columnist ed autur. El ha scrit poesias, dramas, gieus auditivs, prosa satirica curta e romans. Cunzunt ils onns 70 ha Theo Candinas muventà la Rumantschia, cun rumper tabus socials e religius, tranter auter cun sias istorgias da Gion Barlac.

Candinas ha retschet plirs premis; 1971 in premi da renconuschientscha da la Fundaziun Schiller, 1990 il premi da renconuschientscha dal Chantun Grischun.

Theo Candinas è mort dal 2020.

Publicaziuns tar la Chasa Editura Rumantscha:
Gion Barlac (cudesch) (2012)
Gion Barlac (cudesch auditiv) (2012)