Luzius Keller ha studegià a Turitg, Genevra e Firenza. Segiurns a Roma, Firenza e Berlin. Dal 1970 fin il 2003 professer per scienza litterara franzosa a l’Universitad da Turitg.
Publicaziuns en connex cun la litteratura dapi la renaschientscha, en spezial davart Marcel Proust. Editur da l’ediziun da Francfurt da las ovras da Proust (14 toms), coeditur da l’enciclopedia da Proust (2009).
Plinavant studis davart la lirica da la Svizra quadrilingua, tranter auter l’antologia Modern and Contemporary Swiss Poetry (2012).