Anna Negrini (1992–2016) è naschida e creschida si a Savognin. Il novavel onn da scola ha ella visità al gimnasi da la scola chantunala a Cuira. Sper blers texts per la columna rumantscha «Convivenza» da las gasettas «La Quotidiana» e «Südostschweiz» ha ella era scrit il roman da fantasy «Semperverd» ensemen cun Simona Demarmels. Quai è stà sia lavur da diplom en il rom da la scolaziun sco magistra primara a la Scola auta da pedagogia dal Grischun a Cuira (2013–2016).

Anna Negrini è morta il 2016 suenter greva malsogna.