Comic da Tim Krohn cun dissegns da Chrigel Farner
Pippin è in tip patgific e na rumpa betg il chau. Ma lura vegn engulà in mail dad aur e quel metta sutsura cumplettamain la vita patgifica da Pippin. Gugent u navidas parta el per in viadi privlus tras ils tschintg principadis da la Grischunezia.
Tim Krohn ha scrit enturn la paraula da l’utschè dad aur dals frars Grimm uschia che l’istorgia gioga en il Grischun mez fictiv cun las tschintg regiuns rumantschas. L’illustratur Chrigel Farner ha creà cun ses dissegns ritgs da detagls maletgs impressiunants per quest comic.
Pippin discurra sursilvan, auters protagonists vallader, sutsilvan, surmiran e puter. Il text narrativ è per rumantsch grischun.
In cudesch davart il curaschi e l’esser nunconvenziunal. In tema fitg actual. Per tuts.
«Cura che nus essan vegnì a star l’onn 2013 a Sta. Maria, ha la situaziun linguistica dal rumantsch fascinà ed irrità nus. In cudesch che entretscha tut ils idioms a moda natirala e divertenta ans mancava. »
Tim Krohn, autur
«Per l’illustraziun da ‹Pippin› hai jau fatg in viadi d’inspiraziun tras il Grischun, per transponer visualmain la regiun alpina, las diversas valladas e l’atmosfera visualmain.»
Chrigel Farner, illustratur