«Affers da famiglia» è l’emprim crimi per giuvenils da Gianna Duschletta. Ella raquinta en quel d’eveniments dubius en Engiadina: Durant ina gita al Lej da Prestinaun chatta Seraina ina bulscha che cuntegna ina fotografia veglia d’in mat. La giuvna vegn a savair che quai è Marco, il giuven paster da l’Alp Arpiglia. Ma sin la fotografia è da vesair l’Alp Belvair ch’è arsa giu avant tschintg onns. Al lieu d’incendi avevan ins chattà quella giada bancnotas d’in assagl d’ina banca a Samedan che n’è mai vegnì sclerì. Anc pli misterius è però che la bulscha tutgava al chanzlist da S-chanf ch’è disgrazià sut circumstanzas dubiusas sin il Piz Mezzaun. Ina casualitad? Seraina e Marco cumenzan ad investigar e fruntan sin manzegnas, tradiment e scumbigls famigliars.
Per quest crimi ha l’autura creà material didactic accumpagnant.