Ediziun lirica cumpleta, tgirada da Renzo Caduff
Alfons Tuor (1871-1904) è in dals impurtants lirichers e satirichers sursilvans. Insaquantas da sias poesias – Allas steilas, Il semnader – s’audan tranter ils texts rumantschs ils pli renumads e citads il pli savens. Ussa cumpara per l’emprima giada sia cumpletta ovra lirica. La finamira da questa ediziun tgirada dal romanist Renzo Caduff è da puspè metter a disposiziun l’entira ovra poetica da Alfons Tuor sco ella è vegnida scritta e publitgada a sias uras da l’autur. Sper las ediziuns d’autur vegnan era diversas poesias manuscrittas ord ses relasch publitgadas, intginas da quellas per l’emprima giada.
Questa ediziun è vegnida tgirada da Renzo Caduff.
«Nos poets classics, in da quels ei Alfons Tuor, van plaunsiu en emblidonza e cun els lur ovras. Perquei eis ei impurtont ch’els vegnien puspei reedi e legi, il pli grond monument ch’ins sa far ad in poet ed a si’ovra. Renzo Caduff discuviera en siu grondius cudisch cun poesia, commentari e fotografia, in niev Alfons Tuor che nus enconuschevan strusch aschia. Quella nova ediziun cumpleta dallas poesias ei indispensabla.»
Leo Tuor