Carin Caduff (*1988) è creschida si a Vattiz en la Val Lumnezia.

Ella ha fatg in emprendissadi sco commercianta a Mustér. Oz viva ella a Wädenswil (ZH) e lavura sco pedagoga sociala nua ch’ella porscha tranter auter era ateliers da scriver per carstgauns cun impediments. – Carin Caduff scriva regularmain columnas per La Quotidiana, Impuls per Radio Rumantsch ed ha publitgà divers da ses texts en il magazin La Litteratura.

Cun “Furt e naven!” (ed. Chasa Editura Rumantscha, Ord chadaina) ha ella preschentà dal 2022 si’emprim’ovra.