Versiun rumantsch grischun dad Aita Dermont-Stupan
Tgi n’enconuscha betg Globi, il legher utschè blau sin duas chommas cun ses chapè e sias chautschas cotschen-nairas? En quest cudesch vegn Globi tar nus en il Grischun e renda attent a reglas impurtantas che valan per noss Parc Naziunal sco era per l’ambient en general.
La translatura ha procurà per ina stupenta versiun rumantscha che curra bain, va en rima e mantegna ils detagls dal messadi oriund.