Linard Candreia
A basa d’ina biografia vaira: Hanna, da l’annada 1937, emigrescha sco giuvna da 17 onns dal Vnuost en il Grischun. A Stierva lavura ella al cumenzament sco fantschella, pli tard maina ella in garni a Casti – quai sper l’agen engaschament famigliar. Cun sia biografia represchenta Hanna bleras persunas dal Tirol dal Sid ch’èn vegnidas enturn la mesadad da l’ultim tschientaner en il Grischun per lavurar.
En 54 istorgias curtas raquinta Linard Candreia la vita da sia mamma Hanna. Sa basond sin regords persunals e retschertgas en divers archivs dal Grischun e dal Tirol dal Sid dat l’ediziun in’invista en las societads da questas duas regiuns alpinas ch’èn sumegliantas, ma era fitg differentas. La versiun bilingua (surmiran/tudestg) reflectescha la realitad linguistica da bleras famiglias dad ozendi.