Laura Schütz (*2002) è naschida e creschida si a Falera en ina famiglia bilinga cun rumantsch e tudestg. Ella studegia giurisprudenza a l’universitad da Friburg. Leger e scriver eran da pitschen ensi passiuns da Laura.  Il raquint istoric «Hotel Destin» (2021) ha ella scrit a chaschun da sia lavur da matura a la Scola chantunala a Cuira. Perquai ch’ella na vuleva betg sa decider per ina lingua u l’autra, ha ella entretschà omaduas en sia istorgia.