Litteratura 32
En questa retscha da l’Uniun per la Litteratura Rumantscha cumpara dapi passa 30 onns regularmain in tom cun novs texts rumantschs. Per la Litteratura cun il nr. 32 è vegnì tschernì il tema ‘Litteratura e purtrets’.
Las contribuziuns tematicas cumpiglian lirica, prosa curta, essais ed intervistas cun las artistas ed ils artists; ultra da quai cuntegna quest tom texts or dal truclet, translaziuns ed ina recensiun. Bunamain 40 auturas ed auturs han contribuì a quest’ediziun ad in potpourri frestg e colurà.