Rolf Giger (1968) è creschì si a Schlarigna ed a Cuira. El ha emprendì il mastergn da serigraf e tgira dasperas ses hobby sco illustratur. El è conuschent tras las illustraziuns da caricaturas en il Rhiiblatt, en il Bündner Tagblatt ed en La Quotidiana. Plinavant ha el illustrà ils cudeschs OSL rumantschs «Il spiert da Crapalv» e «Nin Palantin», il cover per «La muntogna dals 1000 privels» ed il carnettin «Pilo».