Theo Candinas, naschì 1929 a Surrein, è stà suenter ses studi a las universitads da Friburg, Paris e Perugia blers onns magister a Cuira. Dapi 1991 viva el sco autur e schurnalist el Tessin ed a Surrein. Candinas ha scrit poesias, dramas, gieus auditivs, prosa satirica curta e romans. Cunzunt els onns 70 ha Theo Candinas muventà la Rumantschia, enten rumper tabus socials e religius, tranter auter cun sias historias da Gion Barlac.

Candinas ha retschiert plirs premis; 1971 in premi da renconuschientscha da la Fundaziun Schiller, 1990 il premi da renconuschientscha dal Chantun Grischun.