In cudesch auditiv da Flurina Badel
Il roman Tschiera, premià cun il Premi grischun da litteratura 2025, tracta in tema brisant ed actual: la mancanza dal spazi d’abitar pajabel en l’Engiadina. L’istorgia commoventa dad Aita e Luis raquinta da la necessitad dolurusa da prender cumià d’in lieu che n’è betg pli il dachasa d’ina giada.
Aita sto vender la chasa da famiglia curt suenter la mort da sia mamma. Quai bitta cumplettamain sutsura la vita da la dunna giuvna. A medem temp emprova ses anteriur conscolar Luis, che maina la butia dal vitg, da mobilisar la populaziun locala da resister a la fiera d’immobiglias da luxus che diminuescha adina dapli il dumber d’abitaziuns pajablas – in cumbat solitari ch’al fa bunamain desperar.
Il cudesch auditiv integral, prelegì da l’autura sezza, creescha in’experientscha auditiva che tutga ed envida da reflectar davart identitad e cuminanza.
Da retrair sco download digital ubain sco disc da format MP3.
acquistar download
empustar DC
empustar cudesch
Prova auditiva: Tschiera