Imelda Coray-Monn
Films e romans finevan, cu Veronica fuva giuvna, il bia cun ils suns dils zenns da nozzas ni cun la musica d’orgla el mument che spus e spusa entran en baselgia.
La historia da Veronica entscheiva cun quels suns …
Imelda Coray-Monn raquinta d’ina dunna che tschertga tranter lètg, maternitad e crisas psichicas ses plaz en in mund plain aspectativas. In roman profund e surprendentamain modern or dal relasch da l’autura en l’Archiv da cultura da dunnas dal Grischun. Cun in commentari editorial da Viola Cadruvi e Rico Valär.
«Il roman d’Imelda Coray-Monn ei in document sociohistoric che fa impressiun e che muossa: Ei ha era dau dunnas romontschas ch’han cumbattiu per astgar viver lur atgna veta. In roman che dat curascha.»
Maria Cadruvi, anteriura redactura e moderatura
Il cudesch cumpara ils 2 da november 2026.