In’ediziun da giubileum da Flurin Camathias (1871-1946)
Camathias appartegna a la retscha dals impurtants poets e scrivents rumantschs. Da numnar èn en spezial sias poesias ch’èn vegnidas messas en musica – tant profana sco sacrala. Enconuschents è el era sco translatur d’ovras ord auters linguatgs (tudestg, slav, provenzal, catalan).
En questa scrittira giubilara «Fontaunas clar resunan» s’avischinan plirAs auturAs a la persunalitad Flurin Camathias entras dilucidar differents aspects.
Mintga capitel vegn cumplettà cun ina curta resumaziun per tudestg. Il cudesch vegn enramà d’ina seria da fotografias dals lieus nua che Camathias ha vivì e cuntegn vitiers bleras regurdientschas da l’album da famiglia sco era numerus documents.
AuturAs: Remo Arpagaus, Bettina Berther, Sandro Buchli, Leonard Caduff, Laura Decurtins, Ursicin G.G. Derungs
Fotografa: Susanne Stauss
In’ediziun da la Fundaziun Pro Laax.