Chanzuns popularas rumantschas
La collecziun LA GRISCHA è naschida sin iniziativa e tenor in’idea da la musicista Corin Curschellas. En questa rimnada unica da chanzuns popularas rumantschas èn cumparidas chanzuns tradiziunalas sco p.ex. Giu enten quella val u Donna donna vè a chà en ina nova furma: mintga chanzun cuntegna las notas, simpels accords e la translaziun en tudestg.
Il cudesch, illustrà da Lea Meyer, cumpiglia 38 chanzuns popularas rumantschas, dus discs cumpacts cun interpretaziuns da divers Ensembles sco era explicaziuns dal musicolog Iso Albin.
Uschia po LA GRISCHA contribuir a laschar viver vinavant las chanzuns rumantschas e fa franc grond plaschair a tuttas e tuts che charezzan chanzuns popularas.
Dieter Ringli, etnolog da musica
In cudesch da success ch’è actualmain en sia 3. ediziun.