Chanzuns popularas rumantschas
La collecziun LA GRISCHA è naschida sin iniziativa e tenor in’idea da la musicista Corin Curschellas. En questa rimnada unica da chanzuns popularas rumantschas èn cumparidas chanzuns tradiziunalas sco p.ex. Sch’eu füss ‘na randulina u Tutta nanna tgu en ina nova furma: mintga chanzun cuntegna las notas, simpels accords e la translaziun en tudestg.
Il cudesch, cun collaschas da fotografias da Donat Caduff, cumpiglia 49 chanzuns popularas rumantschas, dus discs cumpacts cun interpretaziuns da La Triada e La Nova sco era explicaziuns da la musicologa Laura Decurtins.
La Grischa 2 n’è insumma betg orientà mo al passà, ma cuntegna er in potenzial creativ per l’avegnir.
Karoline Oehme-Jüngling, Directura da l’Archiv svizzer da chanzuns popularas
In bestseller ord noss sortiment.