Chanzuns rumantschas per uffants
La collecziun LA GRISCHA è naschida sin iniziativa e tenor in’idea da la musicista Corin Curschellas. En questa rimnada unica da chanzuns popularas rumantschas èn cumparidas chanzuns tradiziunalas sco p.ex. La naivetta u Jerumbella en ina nova furma: mintga chanzun cuntegna las notas, simpels accords e la translaziun en tudestg.
Il cudesch, illustrà da Madlaina Janett, cumpiglia 55 chanzuns rumantschas per uffants, dus discs cumpacts cun interpretaziuns da Corin Curschellas e dals Franzlis da Tschlin sco era explicaziuns da la musicologa Laura Decurtins.
La trilogia da success La Grischa è era da retrair sco set (tom 1 – 3) per CHF 100.00 (enstagl CHF 135.00).