Mario Pacchioli crescha si en Sursvela en ina famiglia passiunada per la musica. Gia baud entscheiva el sia instrucziun classica da chant e clavazin. Suenter il Seminari scolastic dal Grischun sa deditgescha el cumplainamein a la musica. L’onn 2004 sa participescha Mario Pacchioli a l’emissiun da televisiun «MusicStar» e vegn enconuschents en l’entira Svizra. Cun 23 onns obtegna el sia emprema platta d’aur. A Los Angeles sa perfecziunescha el sco pianist e cumponist e sa renda lura a Paris, nua ch’el absolva l’onn 2012 la scolaziun d’actur. 2013 scriva el, ensemen cun il chantadur svizzer Laurent Brunetti, il recital da chanson «Pêcheurs de Rêves» ed ensemen sa presechntan ils dus artists per l’entir mund enturn.
Sco artist independent lavura el sco musicist, chantadur ed actur. Sia gronda pissiun è da cumponer ed arranschar musica per texts en differentas linguas e da differentas tempras, texts che tuccan el en ses profund. Mario Pacchioli viva tranter la Frantscha e la Svizra, el ha ragischs talianas e ses cor batta per sia patria rumantscha; quella varietad culturala dat la tempra a l’ovra sinfonica REMAS.