Mario Pacchioli ha mess en musica 18 poesias rumantschas per chant ed orchester sinfonic. Uss cumpara il disc cumpact, ensemen cun in cudesch. In cudesch ch’includa las poesias en la versiun originala rumantscha ed en la translaziun tudestga e franzosa.
Muoth, Tuor, Cadieli: Lur nums stattan per la poesia rumantscha. Nums che fan part al patrimoni cultural da la Surselva. Plinavant èn da chattar en il cudesch poesias da Giachen Michel Nay, Bistgaun Cathomas, Luis Candinas, Gion Battesta Sialm, Hendri Spescha, Gian Fontana, Leo Tuor, Flurin Darms, Gion Deplazes e Victor Durschei.
Texts accumpagnants da Nadina Derungs, Laura Decurtins e Leo Tuor sur da la poesia mainan viaden en la lirica, dattan indicaziuns sur da la poesia rumantscha e sia impurtanza ed accumpognan las poesias.
Fotografias da la fotografa sursilvana Ester Vonplon arrundeschan la publicaziun.
Damai che nus essan in pievel pli pign ch’ils grecs, ein era nos epos buca aschi liungs e las gliestas pli cuortas. Ellas han denton exact la medema magia sco quellas dils pievels gronds ed ein restadas en nossa memoria.
Leo Tuor, en il pled accumpagnant
REMAS da Mario Pacchioli: exempels auditivs: