Nina Dazzi (1961) è creschida si a Samedan en l’Engiadin’Ota. Suenter avair frequentà il seminari da magist:ras a Cuira ha ella instruì a las scolas primaras da Puntraschigna e Zuoz. Durant in sabatical ha ella lavurà en l’hotellaria e scuvert l’insla Cuba. Suenter ha ella absolvì in studi sco magistra da rumantsch e dà scola sin il stgalim secundar al Lyceum Alpinum Zuoz sco er a la scola communala da Samedan, nua ch’ella è era stada l’incumbensada per la bilinguitad. Nina Dazzi è mamma da dus uffants creschids e viva cun ses um a Zuoz.
Nina Dazzi scriva dapli blers onns lirica e prosa curta. Ella publitgescha regularmain en la «Litteratura» ed en il «Chalender Ladin» e scriva per l’emissiun «Impuls» da Radiotelevisiun Svizra Rumantscha RTR. Cun «Papardets» è cumparì il 2026  ses emprim poemari tar la Chasa Editura Rumantscha.

Foto: Matthias Hehlen