Xenia Berther
La pitschna vulp Juna viva suletta a l’ur d’in guaud en las muntognas grischunas. Malgrà ch’ella charezza sia patria, senta ella ch’insatge manca ad ella. Cura ch’ella scuntra il luf Lupo, in vair giramund, entschaiva in viadi plain aventuras. Cun in ballun ad aria chauda exploreschan els pajais lontans e culturas fascinantas – da las piramidas en l’Egipta sur las savannas da la Kenia fin al Taj Mahal en l’India. Sin lur viadi emprendan els d’enconuscher novs amis e scuvran la diversitad e la bellezza da noss mund. A la fin chatta Juna in dachasa sco quai ch’ella n’avess mai spetgà.
«Sur las neblas» è in’istorgia mirvegliusa davart amicizia, curaschi e las vias nunspetgadas che mainan a chasa. Per uffants a partir da 4 onns.